Ensalada fresca de garavanzos (4 persoas)

Ingredientes:

• 500 g de garavanzos
• 1 cebola
• 2 dentes de allo
• ½ pemento vermello
• ½ pemento verde
• Abundante perexil
• Menta fresca
• Aceite de oliva
• Vinagre
• 2 ovos cocidos picados
• Zume de limón
• Sal e pementa

Elaboración:

1. Poñemos os garavanzos en remollo o día anterior e logo cocémolos en auga con sal e unha folla de loureiro ata que estean tenros. Escorremos e deixamos arrefriar.
2. Picamos moi fino a cebola, os pementos, o allo, o perexil e a menta. Engadimos sal e pementa ao gusto.
3. Mesturamos estas hortalizas picadas cunha parte de vinagre por tres de aceite.
4. Incorporamos os garavanzos cocidos e mesturamos ben para que collan todo o sabor.
5. Reservamos na neveira durante unha hora antes de servir.
6. Xusto antes de servir, engadimos o ovo cocido picado e un chorriño de zume de limón para potenciar o sabor.