Consumo de peixes (de mar e de río) e mariscos tres/catro veces á semana, polo seu aporte en proteínas de alto valor biolóxico, ácidos graxos ω −3, vitamina D, calcio (peixe pequeno consumido enteiro ou enlatado) e elementos traza.

Consumo elevado de cereais, patacas e legumes xa cas dietas ricas nestes alimentos constitúen a mellor maneira de aportar hidratos de carbono complexos e fibra alimentaria. Recoméndase o consumo de pan elaborado con fariñas de menor extracción e o uso da cocción para a preparación culinaria da pataca.

Consumo elevado de froitas e hortalizas polo seú aporte en antioxidantes e fitoquímicos con potencial antioxidante adicional.

Consumo diario de leite e derivados lácteos por ser excelentes fontes de proteínas de alto valor biolóxico, minerais (calcio, fósforo, etc.) e vitaminas.

Consumo de carne moderado. Aportan proteína de alto valor biolóxico, ferro altamente utilizable e niacina.

Sencillez na preparación dos alimentos, para manter a calidade das materias primas e, polo tanto, do valor nutritivo. A Gastronomía Atlántica constitúe un Patrimonio que se debe conservar e difundir dentro e fora dos territorios atlánticos.

Inxesta abundante de líquidos, fundamentalmente auga. As condiciones climatolóxicas e características do solo dos territorios atlánticos permiten obter unhas augas de gran riqueza mineral. Ademais, está recoñecido co consumo moderado de viño, preferentemente coas comidas, é beneficioso para a saúde polo seu aporte en compostos antioxidantes.

Realizar actividade física todos os días, xa que é tan importante como comer adecuadamente. A estrutura poboacional atlántica, cun elevado grado de dispersión, xunto co tipo de actividade profesional tradicionalmente atlántica, favorece o mantemento dunha actividade diaria de gran beneficio para a saúde. A natureza atlántica, terrestre e marítima, permite o desenvolvemento de actividades de ocio favorecedoras da actividade física.