INLAC, a interprofesional que engloba a todo o sector lácteo español, e a Comisión Europea uniron os seus esforzos cunha campaña que aposta por mellorar a percepción que os consumidores teñen do leite e os produtos lácteos, apoiándose en mensaxes científicamente avaladas e explicando que hai un lácteo adecuado para cada idade e cada persoa.
Ao longo dos próximos dous anos, mediante este programa, poñeranse en marcha unha serie de actuacións que perseguen alcanzar o obxectivo principal da campaña, "Di que sí a polo menos 3 lácteos ao día", dentro dunha vida activa e dunha dieta sana e equilibrada.

A vicepresidenta da Fundación Dieta Atlántica, no Comité científico
Unha das vías coas que este programa busca a recuperación dun consumo adecuado de leite e produtos lácteos é mediante o traslado aos consumidores de información contrastada sobre as súas propiedades, sempre dentro de uns hábitos de vida saudables e acompañados dun incremento do exercicio físico. Para iso, formouse un comité científico específico, integrado por expertos das disciplinas nas que o leite e os produtos lácteos teñen moito que achegar.

Este programa nace para servir de punto de encontro informativo entre o leite e os produtos lácteos e os consumidores. O traballo e a experiencia deste Comité Científico é a base sobre a que se constrúe a comunicación, que se desenvolve ao redor de tres áreas argumentais principais:

• Propiedades do leite e dos produtos lácteos
• Beneficios do leite e dos produtos lácteos para colectivos que os necesitan especialmente:
  • Deportistas, pola importancia das vitaminas.
  • Nenos/adolescentes, por favorecer un bo crecemento e desenvolvemento.
  • Adultos, pola súa contribución a unha alimentación equilibrada.
  • Muller, polos seus beneficios en momentos clave como embarazo, lactación e menopausa.
  • Terceira idade, pola súa facilidade de consumo e mastigación e achega de proteínas de alto valor.
• Recuperación de momentos de consumo tradicionalmente asociados ao leite e aos produtos lácteos:
  • Almorzo, achega de enerxía necesaria para o día.
  • Merenda, volta á tradición e alternativa á bolería industrial.