Galicia Vive+ é unha obra colectiva coordinada cientificamente pola doutora Pilar Rodríguez Ledo e editada por Ézaro Ediciones, que analiza os factores biolóxicos, ambientais e socioculturais que contribúen á lonxevidade da poboación galega e a un envellecemento saudable.

Desde unha perspectiva multidisciplinar, baseada na evidencia científica actual, a publicación reúne as achegas de especialistas de diferentes ámbitos da investigación e da saúde para afondar na relación entre a xenética, a nutrición, a actividade física, a contorna e as relacións sociais. Entre as cuestións abordadas destacan o papel da Dieta Atlántica e do estilo de vida atlántico, o termalismo e a influencia do medio rural na saúde e na calidade de vida.

A obra conta coas contribucións de Ángel Carracedo, José María Failde, Roberto Fernández, Fernando Rebollal, Juan Manuel Pías, Rosaura Leis, Pablo García, Ana Canelada, Rosa Meijide, África González, Pilar Rodríguez e Antonio Gómez.

Galicia Vive+ propón unha visión integradora da lonxevidade, poñendo de manifesto que vivir máis anos tamén implica preservar a autonomía, a funcionalidade e o benestar ao longo de toda a vida.

Enlace: https://ezaroediciones.com/producto/galicia-vive/